Alt
 
 
í tíni kurv
Samlað ordra upphædd
Vís innkeypskurv
(
vørur)
Vørunr. Vørunavn Eind Mynd Goymsla Prísur v/MVG

Balslev søgan

í 1906 stovnaðu tveir ungir menn, Harra Balslev og Harra Goos, umboðsvirki í Keypmannahavn. Goos fór til Føroyar og Íslands fyri at knýta handilssambond, og millum annað grundløgdu teir á Siglufirði Íslands fyrstu sildaolju verksmiðju. Hugsan teirra var at stovna eitt firma nakað sum Østasiatisk Kompagni og Det Baltiske Kompagni, um ikki so stórt sum tey. Virksemið skuldi serliga vera í teimum norðatlantisku londunum. Hetta gjørdist so við og við til stórt og heldur fløkt handilsvirksemi,sum fyri ein part mátti lúta fyri tí stóru niðurgangstíð, ið kom aftan á fyrra heimskríggj.

Í Keypmannahavn

Sildaoljuverksmiðjan

1927

Hetta var støðan, tá ið Jørgensen, stjóri, í 1927 varð sendur til Føroyar at lata deild upp her. Tað varð byrjað í smáum, í einum høli á Hotel Thorshavn. Seinni fingu vit hølir í Vágsbotni, har vit vóru til mitt í 30-unum, tá ið stórur goymslu og skrivstovu-bygningur varð bygdur á tí nýggju bryggjuni við Eystaru vág. Virksemið øktist nógv hesi árini við heilsølu, kol- og timburhandli, og seinni legðist virksemi í samband við fiskiskap aftrat.

Saman við A.P. Møller rak felagið tvær fransaskonnartir, Maritè og Lieutenent Vedrines, umframt trý smærri skip. So tað var mangur sjómaður, ið fekk avrokning á kantórinum hjá Balslev.  Balslev & Co vóru eisini teir fyrstu - helst longu í 1928 - ið sendu dampara til Grønlands at keypa fisk og føra hann beinleiðis til Spania.

Undir seinna heimskríggi var tað mangan stríggið at fáa fatur á timbri. Tí keypti felagið einaferð rekavið á ”auktión”. Tað vóru rekatrø, ið vóru rikin upp í Viðvík. Tey blivu sagaði til plankar og brettir.

Í 50-unum blivu skipini seld, og seinast í 60-unum bleiv heilsølan eisini seld. Leiðslan helt, at tað var neyðugt at laga seg eftir teimum  stóru broytingum, ið fóru at kom í samfelagnum. Í 1979 flutti timburhandilin  niðan til Hoyvíkar í ein 3000 m2  stóran bygning á einum 10.000 m2  stórum øki. Seinni, í 1989, lat fyrsti byggimarknaður í Føroyum upp við 1.500m2 á sama stað. Virkið, sum í dag er millum mest framkomnu virkir av hesum slag í kongaríkinum, gevur arbeiði til 40 fólk (heiltíðarstørv). Felagið er fari ígjøgnum stórar broytingar frá byrjan og til henda dag, og tað er væl brynjað og fyrireikað til tær broytingar, ið framtíðin kann krevja.

Kronologi. (ella: Tíðaryvirlit)
Í 1934 varð Partafelagið P/F Balslev & Co stovnað fyri at halda virkseminum skilt sundur frá móðurfelagnum í Keypmannahavn. Nógv ár seinni bleiv skrivstovan hjá Balslev & Goos í Keypmannahavn niðurløgd. Hetta var orsakað av, at størri og størri partur av virkseminum  var í Havn, og felagið flutt til Havnar í 1984. Tann 1. januar 1998 vórðu bæði feløgini, P/F Balslev & Goos og P/F Balslev & Co løgd saman í eitt felag við navninum P/F Balslevs Timburhandil & Byggibúð. Í dag er felagið timburhandil og byggimarknaður. Eingi skip, einki kantór í Keypmannahavn. Stutt sagt: felagið hevur specialiserað og moderniserað seg, so alt virksemi er undir einum taki á okkara núverandi adressu í Tórshavn. 

Balslev 1979

Í 1979 flutti Balslev flytti niðan til Hoyvíkar í ein 3000 m2 stóran bygning á einum 10.000 m2 stórum øki.
 Hetta var ein sera stór broyting til tað betra frá trongu umstøðunum við Eystaru vág.

Balslev 1986

Í 1989 lat fyrsta Byggibúðin í Føroyum upp. Hølini eru uml. 1.200 m2 til støddar.
 

Balslev 1993



Balslev 2000

Í 2000 vórðu 5.000 m2 keyptir aftrat, soleiðis at samlaða økið nú var komið uppá 15.000 m2.
 

Í 2002 tók Balslev nýggjan goymslubygning í nýtslu. Bygningurin er 1.300 m2 stórur, og verður brúktur til vørumóttøku, og stórgoymslu timbri, plátum og øðrum byggitilfari.
 

Í 2003 varð grannaognin sunnanfyri verandi øki keypt. Økið er 4.000 m2 við tilhoyrandi bygningi á 600 m2. Fyrstu nógvu árini var bygningurin mest brúktur sum verkstaður hjá okkara handverkarakundum at gera sperrur og annað í samband við bygging.
 

Balslev 2004

Í 2004 keypti Balslev økið vestanfyri. Hetta økið er uml. 5.000 m2, og verður brúkt til goymsluøki til bingjur og betonggóðs. Somuleiðis er øll vørumóttøka á hesum øki. Samanlagt hevur Balslev sostatt eitt samlað øki á uml. 24.000 m2. Av hesum eru uml. 6.500 m2 undir taki.
 

Balslev 2006

Í 2006 varð 100 ára-dagurin hátíðarhildin. Heilt fitt av fólki vitjaði, og har var m.a. ein myndaframsýning við gomlum myndum av umhvørvinum við Eystaru Vág, og av Havnini annars. Ymisk tiltøk vóru til børnini, og Hotel Føroyar syrgdi fyri góðum mati frá grillini.
 

Í 2008 valdi eigarin, Adam Madsen, at selja fyritøkuna, og keypari gjørdist stóra danska fyritøkan Bygma, ið hevur uml. 60 handlar í Danmark, Svøríki og eisini í Íslandi.
 

Í 2009 lat Handverkarabúðin upp í nýinnrættaðum hølum í sama bygningi sum Byggibúðin. Sum navnið sigur, so er handilin ætlaður til handverkarar, og hevur hann verið væl vitjaður frá fyrsta degi.
 

Í 2010 varð avgjørt at gera eina serstaka deild til gólv og flísar, og í 2011 lat so Gólvdeildin upp í sera snotiligum hølum í verkstaðsbygninginum. Handilin er ætlaður til bæði privatkundar og til gólváleggjarar og múrarar.
 

Balslev 2011

Í 2013 var farið í gongd við at gera nýggjan bygning til avgreiðslu/útstilling í Timburdeildini, og nýggjar skrivstovur og starvsfólkarúm. Bygningurin er 900 m2 í tveimum hæddum, við skrivstovum og kantinu í erva, meðan útstilling og avgreiðsla er í neðra. Bygningurin varð tikin í nýtslu tíðliga í 2014.
 .

 

Balslev 2017

Bygma Balslev, sum í dag ger seg galdandi sum eitt sera tíðarhóskandi og leiðandi virkið á sínum vinnuøki, gevur arbeiði til uml. 55 fólk (heiltíðarstørv), og komandi miðvísar íløgur fara framhaldandi at tryggja felagnum eina sterka støðu í føroyskari byggivinnu.

Balslev 2021

Umstøðurnar hava ikki altíð verið nøktandi viðv. at fáa alt tilfar undir tak. Í 2020 fóru vit undir at byggja ein nýggja høll sum er til vørumóttøku og goymslu av tilfari. Høllin er 3000 m2 og varð tikin í nýtslu á vári 2021.