Alt
 
 
í tíni kurv
Samlað ordra upphædd
Vís innkeypskurv
(
vørur)
Vørunr. Vørunavn Eind Mynd Goymsla Prísur v/MVG

Prísir og treytir

Her finnur tú galdandi rentur, tænastugjøld, leveringstreytir umframt aðrar viðskiftatreytir hjá Bygma Balslev. 

 

Prísirnir og treytirnar eru galdandi fyri vørukeyp á balslev.fo og í øllum deildum okkara.

 

Galdandi gjøld 

  • Allir prísir eru íroknað meirvirðisgjald, um ikki annað er tilskilað. Gjaldoyra er DKK.

  • Rentutilskrivingin er í løtuni 2% pr. mánaða umframt eitt rykkjaragjald á kr. 50, um ikki verður goldið rættstundis.

  • Kundar sum ikki hava skrásett teldupostadressu, fáa rokning sendandi við posti. Her er gjaldið kr. 23,75 pr. faktura.

  • Útreiðslur av vørusendingini verður eftir teimum til eina og hvørja tíð galdandi frakttakstum, tó er minsta gjald kr. 437,50, íroknað merivirðisgjald. Serliga stórar flutningsútreiðslur kunnu koma fyri í samband við serflutning. T.d. um vøran er størri enn eitt ávíst mál ella tyngri. 

  • Vørukeyp omanfyri kr. 5.000,00 við meirvirðisgjald verður frítt leverað har landfast er og har tað ber til at koyra við lastbili til leveringsstaðið (Meting av lastbilaføraranum). Um vøra verður avheintað á Bygma Balslev, fellur flutningsgjaldið sjálvsagt burtur. 

 

Les annars vanligu sølu- og leveringstreytirnar her, sum til eina hvørja tíð eru galdandi um ikki annað er avtalað. 

 

Vanligar sølu- og leveringstreytir

1. Generelt

1.1 Hesar sølu- og leveringstreytir eru galdandi fyri øll tilboð, ordrar, ordraváttanir og veitingar uttan so, at annað er avtalað skrivliga millum partarnar.

1.2 Bygma Balslev víðariselur í sínum navni og fyri sína rokning vørur, sum eru keyptar frá framleiðarum ella øðrum, undir einum nevndir “Veitari”.

1.3 Gjald fyri vørurnar kann gerast við dankort og Visa/dankort ella skuldarskrivast á góðkenta konto hjá Bygma Balslev

 

2. Tilboð/ordraváttanir

2.1 Øll tilboð frá Bygma Balslev eru givin við fyrivarni um millumsølu. Tvs. treytað av, at vøran, sum tilboðið er grundað á, ikki er seld øðrum, tá ið kundin tekur av tilboðnum.

2.2 Tilboð frá Bygma Balslev eru galdandi í 8 dagar, uttan so, at annað er avtalað skrivliga millum partarnar. Endalig avtala er galdandi, tá ið kundin hevur fingið skrivliga ordraváttan frá Bygma Balslev. Bert hendan er bindandi.

2.3 Kundin skal fylgja møguligum brúkaraleiðbeiningum sølutilfari, øðrum leiðbeiningum og tilfari, sum er latið við vøruni, og kundin hevur skyldu at fáa til vega neyðugar upplýsingar um hvussu keypta vøran verður nýtt á rættan hátt.

2.4 Bygma Balslev átekur sær onga ábyrgd fyri innihaldi í brúkaraleiðbeiningum, sølutilfari og tilfari annars, ella aðrari kunning, líka mikið av hvørjum slag, frá teimum veitarum, sum Bygma Balslev hevur keypt vøruna frá.

 

3. Beinleiðis levering uttanum goymsluna frá Bygma Balslev

3.1 Hesar sølu- og leveringstreytir eru eisini galdandi í sambandi við veitingar frá Bygma Balslev til vinnukundar uttanum goymsluna, uttan so at annað er avtalað skrivliga millum partarnar. Fyri hesar veitingar eru ásetingarnar í 3.2 til 3.5, galdandi.

3.2 Treytirnar í 4.1. verða broyttar soleiðis, at prísir í tilboðum, ordraváttanum og avtalum, um ikki annað er ásett, fevna um veitarans/avskiparans standard pakning.

3.3 Um ikki annað er avtalað skrivliga, hevur Bygma Balslev rætt at levera vøruna í standard pakningi hjá veitara/avskipara. Tað hevur við sær, at Bygma Balslev kann levera upp til 5 % meira ella minni enn avtalað.

3.4 Levering verður – um ikki annað er avtala – sambært “FCA” samsvarandi tí galdandi tulking sambært Incoterms. Um onnur leveringsáseting er avtalað, skal hendan tulkast sambært galdandi Incoterms.

3.5 Treytirnar í pkt. 13.1, verða broyttar soleiðis at Bygma Balslev, um keyparin rættstundis ger galdandi, at brek eru við vøruni sambært pkt. 12.2, eftir egnum vali, skal umvæla ella lata nýggja vøru, um orsøkin til brekið er feilur í konstruktión, framleiðslu ella tilfari.

 

4. Prísir

4.1 Prísir eru samsvarandi teimum til hvørja tíð galdandi príslistum hjá Bygma Balslev, ella sambært sendari ordraváttan. Levering fer fram frá goymsluni hjá Bygma Balslev, uttan so at annað er avtalað skrivliga. Allir prísir eru upplýstir fyriuttan frakt, pakning, MVG, avgjøld, ella møgulig avgreiðslugjøld.

4.2 Um ikki annað er avtalað skrivliga, kann Bygma Balslev til skrivlig váttan av tilboði er komin frá keypara til Bygma Balslev, uttan ávaring broyta prísir í príslistum og tilboðum.

4.3 Bygma Balslev kann eisini eftir at keyparin hevur sent skrivliga váttan uppá tilboð, uttan ávaring broyta prísirnar, um Løgting ella Landsstýrið hava sett í verk tiltøk, sum ávirka prísin.

 

5. Gjalding, ognarfyrivarni og trygd frá keypara

5.1 Um keyparin hevur kontu hjá Bygma Balslev fellur keypsprísurin til gjaldingar sambært tær gjaldsavtalur, sum eru galdandi sambært hesa kontu, uttan so, at annað er avtalað skrivliga. Keypsprísurin fellur til gjaldingar kontant frá avtalaða leveringsdegnum, sambært pkt. 10.1., hóast levering ikki kann fara fram sum avtalað, orsakað av viðurskiftum keyparans.

5.2 Um keyparin ikki hevur kontu hjá Bygma Balslev, fellur keypspeningurin til gjaldingar kontant tann avtalaða leveringsdagin sambært pkt. 10.1, eisini um levering ikki kann fara fram sum avtalað, orsakað av viðurskiftum keyparans.

5.3 Um keyparin ikki rindar rættstundis, ella fyritreytirnar sambært avtalaðu gjaldsavtaluni broytast mundandi, kann Bygma Balslev halda aftur allar aðrar veitingar til keyparan, líka mikið, um veitingarnar hava samband hvør við aðra.

5.4 Um keyparin rindar eftir seinasta rættstundis gjalddag, verður morarenta roknað av ágóða, sum er fallin til gjaldingar íroknað MVG, samsvarandi ásetingunum í rentulógini, uttan so, at onnur renta er avtalað, ella er galdandi sambært siðvenju. Tilskrivað morarenta og møgulig onnur gjøld fella til gjaldingar beinanvegin, og skulu rindast framum alla aðra skuld í sambandi við leypandi inngjaldingar.

5.5 Bygma Balslev varðveitir ognarrættin til seldu vørurnar, líka mikið um hesar eru leveraðar, til allur keypspeningurin og møgulig renta og/ella onnur gjøld eru goldin.

5.6 Bygma Balslev kann til hvørja tíð, bæði í sambandi við og aftaná avtalur um sølu krevja nøktandi trygd frá keypara fyri, at keypsprísurin, flutningskostnaður, rentur og aðrar útreiðslur verða rindaðar rættstundis.

5.7 Um goldið verður ov seint, hevur Bygma Balslev rætt til uttan ávaring at senda øll krøv móti keypara, til innheintingar. Keyparin hevur skyldu at rinda allar innheintingarútreiðslur í hesum sambandi.

5.8 Bygma Balslev kann uttan loyvi frá keypara, avhenda øll krøv móti keyparanum til 3. persón.

 

6. Afturtøka og broyting av ordra

6.1 Tá ið keyparin hevur latið Bygma Balslev ein ordra, hevur hann ikki rætt at broyta, ella taka aftur ordran.

6.2 Um Bygma Balslev, hóast ásetingarnar í pkt. 6.1, góðkennir at broyta ordran, ella góðkennir, at keyparin tekur aftur ordran, hevur keyparin skyldu at rinda tær útreiðslurnar, sum Bygma Balslev hevur av hesum, herundir útreiðslur í sambandi við goymslu, at tryggja góðskuna á vøruni, umframt møguligt tap, orsakað av broyttum leveringsdegi, og møgulig onnur gjøld, sum Bygma Balslev ásetur. Um keyparin tekur aftur ordran, hevur keyparin skyldu at endurrinda mista vinningin hjá Bygma Balslev í hesum sambandi.

 

7. Returvørur og pakningur, sum kann latast aftur

7.1 Bygma Balslev tekur ikki aftur vørur frá keyparum.

7.2 Um Bygma Balslev, hóast ásetingarnar í pkt. 7.1, í einstøkum førum játtar at taka vørur aftur, skulu vørurnar vera óbrúktar, uttan brek, og í upprunaliga og óásettum pakningi. Vørurnar skulu eisini vera reinar. Bygma Balslev tekur tó ongantíð vørur aftur, sum eru serliga framleiddar, ella keyptar til keyparan.

7.3 Bygma Balslev góðskrivar fyri góðkendar returvørur, frádrigið gjald í sambandi við at taka vøruna aftur, og søluútreiðslur, umframt eitt avgreiðslugjald ásett av Bygma Balslev.

 

8. Vøruroyndir

8.1 Vøruroyndir vísa bert lit, stødd og góðsku generelt, og Bygma Balslev hevur tí ikki ábyrgd orsakað av møguligum frávikum uttan so, at hesi frávik eru munandi, og óvæntað stór fyri keyparan í mun til tær vøruroyndir hann hevur sæð.

 

9. Garanti

9.1  Bygma Balslev veitir vanliga ikki garanti í sambandi við veittar vørur útum tað, sum er galdandi sambært keypilógini.

9.2. Keyparin váttar, at hann í sambandi við garanti frá veitarum, bert kann seta krøv fram beinleiðis móti veitarunum, við tað at Bygma Balslev bert víðarisendur upplýsingarnar til keyparan, um møguligan veitaragaranti.

 

10. Levering

10.1 Tann í ordraváttanini upplýsti leveringsdagur, er bert vegleiðandi fyri Bygma Balslev uttan so, at annað er skrivliga avtalað millum partarnar.

10.2 Um so er, at ein leveringsdagur er avtalaður, hevur Bygma Balslev rætt at leingja freistina í hesum førum:

a) Keyparin eftir avtalu við Bygma Balslev broytir nøgdir, vørusløg e.l. í mun til
    til tað tilboðið, sum seljarin hevur góðkent, sí pkt. 6.2.

b) Bygma Balslev ikki fær leverað avtalaða leveringsdagin, orsakað av viðurskiftum
     hjá keypara

c) Force Majeure, sí pkt 14d, í sambandi við seinkingar, sum veitarar hjá Bygma Balslev,
     flutningsfeløg ella onnur hava ábyrgdina av

d) Óvanlig veðurviðurskifti ella veðurlagsávirkanir

e) Arbeiðsósemjur, líka mikið av hvørji orsøk

f) Almenn páboð ella forboð, sum Bygma Balslev ikki átti at rokna við, tá ið
     avtalan varð gjørd

 

10.3 Um partarnir hava avtalað levering á bústaði keyparans, ella aðrastaðni, sum keyparin hevur víst á, skal Bygma Balslev levera vøruna so nær hesum staði, sum ein lastbilur eftir meting bilførarans kann koyra, uttan vanda fyri, at gerast fastur, skaða bilin, ella skaða annað.

10.4 Keyparin hevur skyldu, at syrgja fyri, at nóg mikið av fólki er tøkt at avskipa vøruna.

10.5 Um keyparin ikki lýkur treytirnar í pkt. 10.4, hevur seljarin rætt, men ikki skyldu til frígerandi at levera vøruna á avtalaða staðnum, líka mikið um umboð fyri keyparan eru til staðar.

10.6 Keyparin fær ábyrgdina fyri vøruni í sambandi við levering. Fylgiseðil ella koyriseðil hjá flutningsfelagi, verður mett at vera nøktandi skjalprógv fyri levering.

10.7 Keyparin skal rinda útreiðslurnar orsaka av møguligari bíðitíð í sambandi við avskipan á bústaði keyparans, ella á tí staði, sum keyparin hevur víst á. Keyparin skal somuleiðis rinda møguligar útreiðslur, orsakað av, at keyparin ikki fær tikið móti vøruni á avtalaðum staðnum.

 

11. Fráboðan og ábyrgd í samband við seinking

11.1 Um keyparin ikki boðar frá beinanvegin í sambandi við, at hann staðfestir, at vøran er seinkað, missur hann eitthvørt krav orsakað av seinkanini.

11.2 Í sambandi við styttri seinkingar, hevur Bygma Balslev rætt at levera, hóast seinking.

Í sambandi við munandi seinking frá Bygma Balslev, hevur keyparin rætt at ganga frá keypinum. Um levering er avtalað í fleiri umførum, hevur keyparin tó bert rætt at ganga frá keypinum sambært ta levering, sum er seinkað.

11.3 Um keyparin gongur frá avtaluni, hevur keyparin rætt at krevja endurgjald frá Bygma Balslev fyri tær meirútreiðslur, sum keyparin hevur, orsakað av, at fáa til vega tilsvarandi vøru frá øðrum. Endurgjaldið kann tó ongantíð vera hægri 10 % av fakturavirðinum av tí seinkaðu veitingini.

11.4 Í sambandi við seinking frá Bygma Balslev, kann keyparin ikki seta fram onnur krøv um endurgjald enn tey, sum eru nevnd í pkt. 11.2. Hetta er galdandi, líka mikið um keyparin gongur frá, ella heldur fast um keypið. Hetta er galdandi fyri eitthvørt tap, orsakað av seinkingum, herundir rakstrartap, tap fyri mistan vinning og tap í sambandi við aðrar fíggjarligar avleiðingar.

 

12. Kanningarskylda og fráboðan viðvíkjandi breki

12.1 Keyparin skal beinanvegin í sambandi við útflýggjan ella móttøku, og altíð áðrenn vøran verður tikin í brúk, broytt, ella verður partur av bygging, gjøgnumganga veittu vøruna fyri at tryggja sær, at hon er uttan brek, herundir at liturin og møgulig onnur frávik eru innan góðkend mørk.

12.2 Fráboðan um brek, herundir mongdarfrávik, sum keyparin hevur, ella burdi havt staðfest í sambandi við gjøgnumgongdina eftir pkt. 12.1, skal keyparin beinanvegin fráboða til Bygma Balslev, og í seinasta lagi 8 dagar eftir at vøran varð leverað. Er talan um onnur brek, herundir goymd brek, skal keyparin boða frá beinavegin hann átti at verið varugur við brekið, og seinast 1 ár eftir levering.

12.3 Um vørurnar skulu monterast, ella gerast partur av bygging, skal keyparin syrgja fyri, at vøran, áðrenn bygging byrjar, verður gjøgnumgingin fyri at kanna, um brek eru. Keyparin kann ikki fráboða brek eftir at montering ella bygging er byrjað.

 

13. Ábyrgd í sambandi við brek

13.1 Um keyparin hevur fráboðað rættstundis sambært pkt. 12, skal Bygma Balslev, eftir egnum vali rætta brekið, ella lata keyparanum aðra vøru.

13.2 Um Bygma Balslev ikki rættar brekið, ella letur aðra vøru sambært pkt. 13.1, innan rímiliga tíð eftir at keyparin hevur boðað frá, eftir pkt. 12, kann keyparin við skrivligari fráboðan til Bygma Balslev ganga frá avtaluni fyri tann partin av tí keyptu vøruni, sum hevur brek.

13.3 Um keyparin velur at ganga frá avtaluni, hevur hann rætt at krevja endurgjald frá Bygma Balslev fyri tær meirútreiðslur, sum keyparin hevur í sambandi við keyp av somu vøru frá øðrum. Um keyparin gongur frá avtaluni, kann endurgjaldið tó ongantíð vera hægri enn 10 % av fakturavirðinum av tí vøruni, sum hevur brek.

13.4 Um keyparin ikki gongur frá avtaluni, kann hann krevja lutfalsligan avsláttur, tó í mesta lagi 25 % av fakturavirðinum av tí vøruni, sum hevur brek.

13.5 Bygma Balslev hevur onga ábyrgd fyriuttan tað, sum er ásett í pkt. 13.3 og 13.4 í sambandi við brek, ella um nýggj vøra ikki verður latin. Hetta er galdandi fyri eitthvørt tap, orsakað av brekum, herundir rakstrartap, tap fyri mistan vinning og tap í sambandi við aðrar fíggjarligar

avleiðingar.

13.6 Keyparin missur rættin at krevja brekið umvæld, umlevering, ella ganga frá avtaluni, um vørurnar ikki eru goymdar, ella brúktar á rættan hátt, sum vanligt er, ella samsvarandi vegleiðing frá Bygma Balslev, ella Veitarunum.

13.7 Bygma Balslev hevur onga ábyrgd fyri brek í sambandi við at leveraða vøran ikki er nýtt á rættan hátt.31.8 Bygma Balslev hevur onga ábyrgd í sambandi við møguliga ókeypis, munnliga ella skrivliga vegleiðing, um mát er tikið, ella í sambandi við útrokningar v.m., sum eitt starvsfólk hevur veitt í sambandi við søluna. Somuleiðis hevur Bygma Balslev ikki ábyrgd fyri tilfari, sum ikki kann metast at vera fullroynt.

13.8 Bygma Balslev hevur onga ábyrgd í sambandi við møguliga ókeypis, munnliga ella skrivliga vegleiðing, um mát er tikið, ella í sambandi við útrokningar v.m., sum eitt starvsfólk hevur veitt í sambandi við søluna. Somuleiðis hevur Bygma Balslev ikki ábyrgd fyri tilfari, sum ikki kann metast at vera fullroynt.

 

14. Force Majeure

14.1 Um ein levering ikki kann fara fram, ella verður seinkað at umstøðum, sum Bygma Balslev ikki hevur ræði á, herundir, men ikki avmarkað til ósemjur á arbeiðsmarknaðinum, rakstrarórógv, flutningstrupulleikar, ella, um 3. persónur á annan hátt ikki heldur skyldur sínar, herundir, um ein veitari ella framleiðari gerst ógjaldførur e.l., kann Bygma Balslev, uttan ábyrgd eftir egnum vali, heilt ella partvíst útseta levering, ella heilt ella partvíst ganga frá avtaluni. Tað er ein treyt, at boð verða send til keyparan skjótast gjørligt.

 

15. Produktábyrgd

15.1 Bygma Balslev hevur ábyrgd eftir lóg um produktábyrgd í tann mun lógin ófrávíkiligt áleggur Bygma Balslev ábyrgd, og um ábyrgdin hjá Bygma Balslev ikki sambært lógini kann avmarkast. Bygma Balslev hevur harumframt ábyrgd fyri skaðar, sum vøran mátti verið atvoldin til í tann mun skaðin er íkomin orsakað av grovum ósketni, og ábyrgdin hjá Bygma Balslev ikki lógliga kann avmarkast.

15.2 Ábyrgdin hjá Bygma Balslev fyri produktábyrgd er avmarkað til í mesta lagi 1 mio kr.

15.3 Um Bygma Balslev hevur ábyrgd fyri produktskaða samsvarandi pkt. 15.1 og pkt. 15.2, men um produktskaðin eisini er íkomin orsakað av mistakið hjá keypara, verður ábyrgdin býtt millum partarnar í mun til ta skuld, partarnir hvør sær hava fyri skaðanum.

15.4 Um Bygma Balslev, verður fyri ábyrgd fyri produktskaða mótvegis 3. persóni, hevur keyparin skyldu at halda Bygma Balslev skaðaleyst fyri ta ábyrgd, sum verður áløgd, og sum er størri enn ábyrgdin eftir treytunum í pkt. 15.1 til pkt. 15.3. Keyparin hevur skyldu at møta fyri sama rætt ella gerðarrætt, sum viðger endurgjaldskravið móti Bygma Balslev frá 3. persóni í sambandi við vørur, sum Bygma Balslev hevur latið 3. persóni umvegis keyparan.

15.5 Bygma Balslev heftir ongantíð fyri rakstrartapi, mistum vinningi, ella øðrum óbeinleiðis tapi.

 

16. Avmarking av ábyrgd og avhending av krøvum móti veitarum hjá Bygma Balslev

16.1 Ábyrgdin hjá Bygma Balslev kann ongantíð, hóast møguligt ósketni er ávíst, fevna um dagbøtur, rakstrartap, tap av vinningi, tíðartapi, ella øðrum beinleiðis tapi, líka mikið, um ábyrgdin er grundað á vanligar endurgjaldsreglur, ella á øðrum grundarlagi.

16.2 Um veitarar, ella onnur hava ábyrgd mótvegis Bygma Balslev í sambandi við seinking ella brek, er Bygma Balslev sinnað, so vítt gjørligt at veita keyparanum transport í krøvum frá Bygma Balslev móti veitarum ella øðrum.

 

17. Ósemjur

17.1 Einhvør ósemja, sum verður millum partarnar, skal avgerast av gerðarrætti, uttan so, at Bygma Balslev ynskir at ósemjan verður løgd fyri vanligu dómstólarnar. Allar ósemjur skulu avgerast samsvarandi hesum vanligu sølu- og leveringstreytum, og í aðrar mátar sambært føroyskari lóg.

17.2 Um mál skal leggjast fyri gerðarrætt, skal gerðarrætturin veljast eftir reglunum í ABF 06.

17.3 Sýn og meting skal fara fram eftir reglunum í ABF 06, uttan so, at sýn og meting skal fara fram sum liður í rættarmáli, sum er lagt fyri vanligu dómstólarnar.

17.4 Um ósemja skal leggjast fyri vanligu dómstólarnar, skal stevning latast Føroya rætti í Tórshavn, líka mikið, hvar keyparin býr, ella hevur heimstað.

 

18. Gildiskoma

18.1 Hesar vanligu sølu- og leveringstreytir koma í gildi frá 1. januar 2022