Alt
 
 
í tíni kurv
Samlað ordra upphædd
Vís innkeypskurv
(
vørur)
Vørunr. Vørunavn Eind Mynd Goymsla Prísur v/MVG


Handverkarabúðin tvífalt so stór

Tað vísti seg beinanveg, tá vit lótu Handverkarabúðina upp fyri sjey árum síðani, at stórur tørvur var á slíkari tænastu. Tí verður Handverkarabúðin, sum í veruleikanum hevur verið for lítil frá byrjan, nú útbygd, so fermetrartalið nú verður tvífaldað.

Krøvini til tey amboð, sum handverkarin brúkar, eru hægri enn tey, sum við hepni kunnu brúkast av vanligum fólki. Tí verður nógv orka brúkt til at finna júst rætta amboðsúrvalið í Handverkarabúðini.

Heri N. Rasmussen, leiðari fyri Handverakrabúðina, hevur arbeitt í fakinum síðani hann var 14 ára gamal, og hjá Balslev síðani 1999. Tær drúgvu royndir og ta servitan, sum hann hevur ognað sær øll hesi árini, hava handverkarar fingið ágóðan av. Heri hevur saman við hinum starvsfólkunum í Handverkarabúðini við ”harðari hond” valgt út tey amboð og vørur, sum standa á hillunum, og krøvini eru altíð tey somu: Amboðini, tilfarið og lutirnir skulu vera sterk og góð og halda til handverkaranýtslu. Talan er tí um tað besta, sum er á marknaðinum.

Nú Handverkararbúðin verður útbygd, verður hon 600 fermetrar. Her koma sjey starvsfólk at taka sær av sertørvinum hjá teimum, sum hava handverk sum starv. Vit vita, at góð amboð og gott tilfar er ein týdningarmikil liður í enum fullfíggjaðum arbeiði, og tí verður stór orka løgd í at útvega handverkarum í Føroyum tað besta av tí besta.

Vælkomin í Handverkarabúðina.